Gusto Kita

Gusto kong pansinin mo ako

Gusto kong kausapin mo ako

Gusto kong kaibiganin mo ako

Hanggang gustuhin mo ako

Gusto kong tignan mo ako ng may kislap sa iyong mga mata

Gusto kong alagaan mo ako hanggang tayo'y tumanda

Gusto kong patawanin mo ako may problema man o wala

Gusto kong ipagluto mo ako sahog ang pagmamahal mo

Gusto kong maglakad hawak ang kamay mo

Gusto kong matulog nang nakahimbing sa bisig mo

Gusto kong masaksihan ang paglubog at pagsilay ng araw habang ang kamay mo'y nasa aking mga balikat

Gusto kong makita mo ako maging ang pagkatao ko

Hindi man ako maganda

Hindi man ako matangkad

Hindi man ako kutis rosas

Hindi man ako perpekto

Wala man akong talento

Wala man akong kayamanan

Wala man akong maipagmamalaki

Meron naman akong pusong ikaw lang ang isinisigaw at tinitibok

Gusto kong sabihin mong mahal mo ko

Gusto kong sabihin mong ako lang

Gusto kong sabihin mong ako ang panghabang buhay mo

Gusto kong halikan mo ako sa aking noo

Gusto kitang makilala sa itinakdang panahon

Gusto kitang makita sa tamang lugar

Gusto kitang mahagkan na para bang wala nang bukas

At gusto kitang hintayin hanggang ang mga landas nati'y pagtagpuin ng tadhana.

All images and text on this www.asquaredofficial.wixsite.com/theasquared website is copyright by The A Squared, all rights reserved. No part of this website may be reproduced, published, distributed, displayed, performed, copied, stored for public or private use in any information retrieval system, or transmitted in any form by any mechanical, photographic or electronic process, including electronically or digitally on the Internet or world wide web, or over any network, without written permission of the author.

#gustokita #gusto #ann #poem #poetry #filipino #tula