Pangalawa

Sa tatlong magkakapatid pinakamahirap ang maging pangalawa

Kung alam nyo lang ang pakiramdam ng maging gitna

Na sa t'wing kukunan kayo ng litrato ika'y laging may pangamba

Dahil yung nasa gitna daw yung laging "nauuna", 'ikanga ng matatanda

Pero sa sitwasyon ko, di lang ako ipinanganak na pangalawa

Kundi pati na rin sa pagmamahal at atensyon, pangalawa

Yung pakiramdam mo wala kang kwenta sakanila

Na makikita ka lang nila pag wala yung dalawa

Di na bago sayo yung, "Uy!, anjan ka pala!"

Kaya di mo rin masisi kung karamihan sa aming mga gitna

Ay nagiging pariwara at itim na tupa sa pamilya

Di namin naranasan o naiparamdam man lang pag aaruga

Atenyon at pagmamahal na tinamasa nung dalawa

Alam mo yun? yung pakiramdam mo'y ikay ampon?

Na pag tiningnan mo yung gamit nung dalawa sagana?

Pero yung kung hindi pinaglumaan ay mana sa nakakatanda?

Yun bago ka paboran kelangan mo muna paghirapan?

Pero pag iba, isang hiling lang bigay agad?

Tapos pag may utos kay panganay ikay yung uutusan?

Kapag naman yung bunso ang may kasalanan ikaw yung pinapagalitan?

Masakit din kapag ikaw lang ang nakadalo sa okasyon ng isang kapamilya

Lagi nilang tanong, "Ikaw lang? asan yung dalawa?"

Mabigat ito sa kalooban, di man nila sadya

Na tila ba yung presensya mo - para sa kanila - ay balewala

Di naman ako nagrereklamo, o nanlilimus ng awa

Nais ko lang ipamulat sa iba kung ano pakiramdam ng maging gitna

Ang maging...PANGALAWA